Prezıdent Q.Toqaev Jambyl oblysyna jasaǵan saparynda qolónershiler kórmesine baryp, qamshy satyp aldy. Bul týraly Aqordanyń baspasóz qyzmeti habarlady.

Kórmege 29 qolóner sheberiniń aǵash, teri jáne kıizden jasaǵan buıymdary, qysh ydystar, panno, ulttyq mýzykalyq aspaptar, ulttyq kıim úlgileri, at ábzelderi, zergerlik buıymdar qoıylǵan.

Q.Toqaevqa kórsetilgen «Kıiz úı» ınstallásıasynda jastarǵa toqyma, kıiz basý, quraq quraý, urshyq ıirý, syrmaq syrý jáne basqa da óner túrleri boıynsha sheberlik sabaǵy ótkizildi.

Prezıdent kórmeni aralaı júrip, jambyldyq qolónershiler jasaǵan qamshy satyp aldy. Memleket basshysyna qamshyny Jambyl oblysy qolónershiler odaǵynyń tóraǵasy Serik Yqylasuly tabys etti.

Qamshy – kóshpeli ómir saltynyń ajyramas bir bóligi. Qazaq ony qasterlep, kıe tutqan. Qamshyny tek qana qural emes, bılik pen rýhtyń, qaırat pen kúshtiń sımvoly dep bilgen.