2-3 aqpan Almaty qalasynda Digital Almaty 2023 halyqaralyq tech forýmy ótti. Forýmda sıfrlandyrý salasyndaǵy úzdik kompanıalar marapattaldy. Sonyń ishinde, Bugin Holding kompanıasyna qarasty Daryn.online platformasy jyl qorytyndysy boıynsha “Eń úzdik EdTech joba” nomınasıasyn jeńip aldy.

EdTech (qaz. bilim berý tehnologıalary) – bilim berý salasyndaǵy zamanaýı tehnologıalardy biriktiretin ınovasıalyq sheshimder. Bul nomınasıa ınovasıalyq tásildi qoldanyp, bilim berý salasyndaǵy ózekti máselelerdi sheshetin jáne eń úzdik sapaly qyzmet kórsetýshi jobaǵa beriledi. Nomınasıany Armenıanyń Premer-mınıstri Nıkol Pashınán tabystady. Bugin Holding – óz ekojúıesin qalyptastyrǵan, zaman talabyna saı jabdyqtalǵan elimizdegi alǵashqy qazaq tildi IT kompanıa.

Holdıńtiń İT naryǵynda tanymal birneshe jobasy bar: Ma-Ma!, OrdaGen, Daryn.online, Daryn Teacher, Educenter, Bugin.kz jáne t.b. Osy jobalardyń ishinde eń tanymaly: 4 mln-nan astam oqýshy men ustazǵa qashyqtan sapaly bilim berýdi qamtamasyz etip otyrǵan Daryn.online platformasy.

Ótken 2022 jyl Daryn.online úshin tabys pen tájirıbege toly boldy:

● Kompanıa 2,4 mln dollar ınvestısıa tartty;
● Prometheus School -dyń quryltaıshysy atanyp, elimizdegi alǵashqy gıbrıdti mektep ıdeıasyn júzege asyrdy;
● Mektep prosesterin avtomattandyrýǵa (LMS) arnalǵan Daryn Pro jobasy iske qosyldy;
● Daryn Teacher 2.0 iske qosylyp, oqýshylar 180 000+ ret mektep sabaqtary boıynsha qıyndyq týdyrǵan suraǵyna jaýap aldy;
● Daryn Tutor 3 117 astam jańa repetıtor qosylyp, 2 261 oqýshy ózine jaqyn aımaqtan repetıtor tapty;
● Bilim alýshylarǵa kontentti oıyn metodıkasy arqyly berýge arnalǵan Daryn GO jobasy iske qosyldy;
● Oqý prosesin tejeıtin kúrdeli tapsyrmalardy sheshýdegi kómekshi Daryn Help jobasy iske qosylyp, 10 000-nan astam suraqqa jaýap berildi;
● Daryn.online qyzmetteri bilim alýshylar arasyndaǵy baǵalaý boıynsha (NPS) 82% qoldanýshynyń kóńilinen shyqty;
● Onlaın bilimdi odan da sapaly ári qoljetimdi etý maqsatymen jáne platforma qoldanýshylarynyń suraýymen ár pán boıynsha kómekshi kýrator qosyldy;
● Daryn.online platformasynda ótkiziletin olımpıada Qazaqstandaǵy eń tanymal ári jıi tapsyrylatyn olımpıada atandy. 87 500 oqýshy men 34 800 muǵalim olımpıadada baq synady;
● Daryn.online -men 14 429 oqýshy UBT-ǵa daıyndalyp, onyń 75,2%-y grantqa tústi jáne baıqaý synaǵy 345 026 ret tapsyrylyp, ortasha kórsetkishi 72,6 baldy qurady.

“Daryn.online -nyń aldaǵy jospary: elimizdegi sátti jobalardy shetel naryǵyna eksporttaý. Biz qazir Ózbekstan naryǵyna aǵylshyn tilin engizip jatyrmyz, al Saýd Arabıasy men Indonezıa naryǵyna matematıka pánin (iDaryn) bizdiń qalyptastyrǵan metodıkamen sol eldiń tilderinde jasaýdamyz. Bilim bizdi biriktiredi, biz buǵan senemiz”, – dedi Daryn.online platformasynyń negizin qalaýshylardyń biri Aıbek Qýatbaev.

Daryn.online mısıasy – sapaly bilimdi qoljetimdi etý, elimizdegi bilim sapasyn arttyrý jolynda jańa tehnologıalar men ınovasıalardy jasaý.
Kez kelgen oqýshynyń bilim alyp, ustazdyń sabaq berip jáne ata-ananyń damýy úshin Daryn.online zamanaýı sheshimder qabyldap, alǵa qoıǵan jospar boıynsha jumys isteýge ázir.