Túrkıanyń ońtústigi men Sırıanyń soltústiginde bolǵan joıqyn jer silkinisinen mert bolǵandar sany sát saıyn artyp jatyr.

"Anadoly" agenttiginiń habarlaýynsha, Túrkıada zilzala qurbandar sany 2921-ge, jaralanǵandar 15 834-ke jetken.

Eldiń vıse-prıezıdenti Fýat Oktaı qırandy astynan 7840 adam din-aman alyp shyǵarylǵanyn, 338 myń adam ýnıversıtetterge, jataqhanalarǵa ornalastyrylǵanyn jetkizdi.

Prezıdent Rejep Taııp Erdoǵan Túrkıada jeti kúnge jalpyulttyq qaraly kún jarıalady.

Túrkıa bıligi turǵyndardy ázirge úıine oralmaýǵa shaqyryp jatyr.

VVS málimetinshe, Sırıada zilzaladan 1400-den astam adam mert bolǵan.

Jer silkinisin zertteıtin AFAD uıymynyń málimetinshe, zilzala qýaty 7,7 jáne 7,6 baldy quraǵan.

Qos elde de qutqarý jumystary táýlik boıy júrip jatyr.

Halyqaralyq qaýymdastyq zilzala zardabyn joıý úshin gýmanıtarlyq kómek jiberip jatyr. Búgin tańda qazaqstandyq qutqarýshylar jasaǵy Túrkıaǵa attandy. Bort  Gazıantep qalasyna barady. Jasaq quramynda Qazaqstan TJM qutqarýshylary, kınologıalyq esepter jáne Apattar medısınasy ortalyǵynyń medısına qyzmetkerleri bar.