Ulysmedia.kz saıtynyń bas redaktory Samal Ibraeva redaksıa keńsesine belgisiz bireýler qorapqa maldyń eti men balalarynyń sýretin salyp jibergen, dep habarlady Azattyq radıosy.

Jýrnalıs qorap keńsege 8 aqpanda kelgenin, ishin ashqan kezde joǵaryda atalǵan zattar shyqqanyn aıtqan. Ibraeva oqıǵany "redaksıaǵa jasalǵan qoqan-loqy" dep baǵalaǵan.

"Prezıdent tapsyrma berse de, maǵan jasalyp jatqan qysymnyń artynda kim turǵany anyqtalǵan joq. Osyǵan deıin qanshama qysym kórdim" dedi Samal Ibraeva.

Sýrette etpen birge balalardyń sýreti jatqany kórinedi. Sársenbi tústen keıin redaksıaǵa polısıa kelip, zattardan saýsaq izderin alǵan. Ibraeva polısıaǵa qorapty kim jibergenin anyqtaýdy surap, shaǵym jazǵan.

Samal Ibraeva buǵan deıin 18 qańtarda áldekimder Ulysmedia.kz saıtyn buzyp, saıttyń alǵashqy betine óziniń jeke derekterin jarıalap tastaǵanyn habarlaǵan. Jarıalanǵan derekter arasynda Ibraevanyń otbasylyq sýretteri, tólqujattary bar. Ibraeva oqıǵany jýrnalısik qyzmetimen baılanystyrǵan. Saıt birazý aqytqa jabylyp, izinshe ashylǵan. Ibraeva polısıaǵa aryz jazǵan, alaıda kúdiktiler anyqtalmaǵan.