Sırıadaǵy jer silkinisinen qaza tapqandardyń sany 1600-den asqan. 3649 adam aýyr jaraqat alǵan. Sham ólkesiniń basshylyǵy Batys elderin sanksıalardy alyp tastap, kómek kórsetýin suraıdy., dep habarlady Birgun.net saıty.

Sırıada qutqarý jumystary óte baıaý júrýip jatyr. Jýrnalıs Sarkıs Kasardjıannyń aıtýynsha, qaza tapqandar sany saǵat saıyn arta túsýde, Sondaı-aq ol Sırıaǵa halyqaralyq kómek kórsetilmeı jatqanyn jetkizdi.

"Qaza tapqandardyń sany resmı málimetten qaraǵanda kóp. Qutqarý jumystary bolsa óte baıaý. Elimizdegi barlyq adam qutqarý jumystaryna jumyldyrylsa da halyq mundaı jaǵdaıda jumys isteýge daǵdylanbaǵan. Tabıǵı apattar kezindegi jumystar atqarýda tájirıbemiz az. Qutqarý jumystaryna tájirıbesi joq mamandar jumyldyrylyp, arnaıy qural-jabdyqtyń bolmaýynan qaza tapqandardyń sany artýy múmkin", deıdi jýrnalıs. 

Al Hurriyet basylymynyń habarlaýynsha, sırıalyq saıasatker, BUU ókili Bassam Sabah barlyq elderdi Sırıany dári-dármek, azyq-túlikpen qamtamasyz etip, kómek kórsetýge shaqyrǵan. 

SANA memlekettik basylymy Iran men Irak tarapynan Sırıaǵa gýmanıtarlyq kómek kórsetilip jatqanyn jazdy. Azyq-túlik, dárilik preparattarmen qatar medısınalyq qyzmetkerler kelgen. 

Halyqaralyq memlekettik emes uıymdar Túrkıanyń soltústigi men Sırıaǵa kómek retinde arnaıy naýqan bastady. Tanymal amerıkalyq telejúrgizýshi Ellen De Djeneres qorǵa 3,5 mıllıon dollar aýdaryp, naýqannyń bastalǵanyn habarlady. 

Budan bólek reseılik sarbazdar da jer silkinisinen zardap shekken Sırıanyń birneshe aýmaǵyna gýmanıtarlyq kómek kórsetken. Olar sırıalyqtarǵa azyq-túlik taratyp, jylýmen qamtamasyz etýde.