Bul týraly Oqý-aǵartý mınıstrligi ázirlegen balalardyń quqyǵyn qorǵaýdyń 2023-2025 jyldarǵa arnalǵan keshendi josparynda jazylǵan. 

"Ádilet mınıstrligi janyndaǵy vedomstvoaralyq jumys tobyna kámeletke tolmaǵandarǵa qatysty zorlyq-zombylyq jasaý faktilerin jasyratyn ata-analarǵa nemese zańdy ókilderge qatysty qylmystyq jaýaptylyqty engizý bóliginde usynystar engizý kózdeledi", - delingen qujatta.

Sonymen qatar qoldanystaǵy ózge de zańnamaǵa ózgeris engizý usynylyp otyr.

"Qoldanystaǵy zańnamaǵa sot quqyq buzýshynyń (agresor) kámeletke tolmaǵandarǵa qatysty minez-qulqyna qoıylatyn erekshe talaptardy buzǵany úshin qylmystyq jaýaptylyq engizý qarastyrylady", - dep jazylǵan jobada.

Bul oraıda, balaǵa agresıa kórsetken adam sotqa deıin búldirshinmen birge turmaıdy. Iaǵnı, quqyq buzýshy turǵyn úıden ýaqytsha shyǵarylady.

Vedomstvo atalǵan jumystardy bıylǵy jyldyń úshinshi toqsany men kelesi jyldyń birinshi toqsanynda kezeń-kezeńimen qolǵa almaq.