Túrik seısmologi Dogan Perınchek Dardanell buǵazynyń jaǵasyndaǵy portty qala Chanakkale aımaǵynda 7 baldyq zilzala bolýy múmkin ekenin aıtty, dep jazady RIA Novostı.
Onyń sózinshe, ońtústik-shyǵystaǵy jer silkinisteri óte úlken aýmaq – 470 shaqyrymdy qamtyǵan. Al aftershoktar negizgi dúmpýmen teńesip, magnıtýdasy 6,6-ǵa jetken.
"Sońǵy 10 kúnde Mármár teńizinen Chanakkaledegi seısmıkalyq belsendiliktiń joǵarylaýyn baıqadym. 10 jyldan astam ýaqyt boıy arnaıy kartalar arqyly eldegi seısmıkalyq belsendilikti kúndelikti baqylaý jáne taldaýmen aınalysyp kelemin. 3 jyldan beri Chanakkalede jer silkinisi bolady dep boljap júrmin" dedi ǵalym.
Ol bul aımaqta shamamen 250 jylda bir ret ótetin jarylys magnıtýdasy qýaty 7 baldyq jer silkinisine sebep bolatynyn atap ótti.
"Bul aımaqta shamamen 250 jylda bir ret bolatyn jer silkinisi shamamen 7 baldyq dúmpýdi týdyrady. Bul – sońǵy ret 287 jyl buryn bolǵan. Ýaqyt keldi, kez kelgen ýaqytta onda dúmpý bastalýy múmkin" deıdi seısmolog.
Túrkıa men Sırıadaǵy joıqyn jer silkinisinen qaza tapqandar sany 12 myń adamnan asyp ketti. Adamdar úıindi astynda jatqanyna úshinshi kún bolǵandyqtan, qurbandar sany áli de arta túsedi degen boljam bar.
Pikir qaldyrý