2023 jylǵy 1 qańtardaǵy jaǵdaı boıynsha eldegi halyq sany 19 765 004 adamdy qurady, onyń ishinde qala turǵyndary – 12 208 259, aýyl turǵyndary – 7 556 745 adam. Bul týraly Ulttyq statısıka búrosy habarlady.

12 aı ishinde Qazaqstanda 403,5 myń sábı (450,7 myń adam – 2021 j) dúnıege kelgen, onyń ishinde 208 myńy – uldar, 195,5 myńy – qyzdar. Týý koefısıenti 1000 adamǵa 20,28 qurady. Atalǵan kezeńde qaıtys bolǵandar sany 134,7 myń adamdy qurady, bul rette 1000 adamǵa shaqqandaǵy ólim-jitim koefısıenti – 6,77. Osylaısha, halyqtyń tabıǵı ósimi 2022 jyldyń 12 aıynda 268,8 myń adamdy qurady (2020j. – 263 myń, 2021 j. – 267 myń).

Týýdyń eń joǵary deńgeıi Mańǵystaý (1000 turǵynǵa 27,75 adam), Túrkistan oblystarynda (1000 turǵynǵa 27,23 adam) jáne Shymkent qalasynda (1000 turǵynǵa 26,34 adam) baıqaldy.

Ólim-jitimniń eń joǵary deńgeıi Soltústik Qazaqstan (1000 turǵynǵa 11,84), Shyǵys Qazaqstan (1000 turǵynǵa 11,71) jáne Qostanaı oblystarynda (1000 turǵynǵa 10,82) baıqaldy, bul osy oblystar halqynyń jas qurylymyna baılanysty.

Atalǵan kezeńde 128,5 myń neke, 17,7 myń ajyrasý tirkelgen.

El ishinde kóship-qonýshylar sany 6,1%-ǵa ósti. Óńiraralyq kóshi-qon boıynsha elimizdiń 4 óńirinde: Almaty (35 302 adam), Astana (33 798 adam), Shymkent (2 756 adam) qalalarynda jáne Almaty oblysynda (898 adam) halyqtyń kóshi-qonynyń oń saldosy qalyptasty.

2022 jylǵy qantar-jeltoqsanda elge kelgender sany 17 293 adam, elden ketkender sany  24 239 adamdy qurady. Kóshi-qon saldosy –  -6 946 adam. 2021 jylǵy tıisti kezeńmen salystyrǵanda Qazaqstanǵa kelýshiler sany 57,5%-ǵa ósti, ketkender sany 24,7%-ǵa azaıdy.

Eldegi negizgi kóshi-qon almasýy TMD memleketterimen júrdi. TMD elderinen kelgenderdiń úlesi 85,9%, al bul elderge ketkenderdiń úlesi 83,4% qurańan.