Búgin parlament májilisi depýtattary saılaýyna kandıdat tirkeý prosedýrasy aıaqtaldy.  Bir mandatty okrýg boıynsha 609 kandıdat, 7 partıanyń atynan 283 kandıdat tirkelgen. Kandıdattardyń qatarynda qos qandas – aqyn Almas Ahmetbekuly men kásipker Syrymbek Taý da bar. 

Almas Ahmetbekuly 1961 jyly Qytaı Halyq Respýblıkasynda dúnıege kelgen. Alǵashqy "Kóshi-qon zańyn" jazýǵa qatysqan "Daýys", "Shıryǵý" dep atalatyn óleń jınaqtary jaryq kórgen. Aqyn kópshilikke "Kók týdyń jelbiregeni" óleńiniń avtory retinde belgili.

Syrymbek Taý 1980 jyly Mońǵolıadaǵy Baıan Ólgeı aımaǵynda týǵan. Kásipker, "YOKOHAMA", "TRIANGLE" kompanıalarynyń Qazaqstandaǵy resmı dıstrıbútory. Áleýmettik jelidegi paraqshasy arqyly qoǵamdyq máselelerge aralasyp, qaıyrymdylyqpen jıi aınalysady.

Depýtat atanýǵa nıetti qos "qandastyń" qaısysy halyq qalaýlysy bolýǵa laıyq dep oılaısyz?