Shymkent qalasynda "AYBA-Januıa" qarjy pıramıdasyn qurý jáne basqarý boıynsha qylmystyq is qozǵaldy, dep habarlady qarjylyq monıtorıń agenttigi.
Jekemenshik fırma oıdan shyǵarylǵan sharttarmen azamattarǵa baspana alýǵa kómektesýge jarnama jasaǵan. Talap boıynsha ınvestor 5 000 teńge salyp, odan keıin bes nemese odan da kóp adamdy tartýy kerek.
"Adamdardy tartqannan keıin salymshyǵa salǵan somasy qaıtarylady jáne syılyq beriledi. Belgili bir deńgeıge jetken soń salymshyǵa páter nemese 10 mıllıon teńge ýáde etilgen", - delingen resmı habarlamada.
Qazaqstanda qarjylyq (ınvestısıalyq) pıramıda qurǵany úshin 10 jylǵa deıin bas bostandyǵynan aıyrý jazasy qarastyrylǵan. Kináli adamnyń múlki tárkilenedi.
Pikir qaldyrý