Qyrǵyzstannyń eks-prezıdenti Almazbek Atambaev túzetý kolonıasynan bosatyldy, dep habarlady TASS aqparat agentigi. 

"Búgin bosatty. Endi úıge qaıtamyz", degen agenttik derekkózi.

Agenttik derekkózi Atambaevtyń júrip-turýyna qatysty shekteýler alynyp tastalǵanyn aıtqanyn, Qyrǵyzstan shekarasynan tys jerde emdelýge ruqsat berilgenin jetkizgenin jazdy.

2011-2017 jyldary Qyrǵyzstandy basqarǵan Almazbek Atambaev 2019 jyldyń 8 tamyzynda Shý oblysynyń Qoı-Tash aýylyndaǵy rezıdensıasynda arnaıy operasıa barysynda ustalǵan. 

2020 jyldyń jazynda 2013 jyly qylmys áleminiń serkesi Azız Batýkaevty zańsyz bosatý týraly is boıynsha 11 jyl eki aıǵa bas bostandyǵynan aıyrylǵan. Keıinnen keıbir aıyptaýlar alynyp tastalǵan. 2022 jyldyń maýsymynda "2020 jyldyń qazan aıynda bolǵan Bishkektegi jappaı tártipsizdikter" týraly is boıynsha aqtalǵan.