«Biryńǵaı satyp alý terezesi» jobasyn iske asyrý aıasynda 7 mıllıard teńgeden astam qarajat únemdeldi. Bul týraly Sybaılas jemqorlyqqa qarsy qyzmet agenttigi Qoǵamdyq keńesiniń 1-shi kóshpeli otyrysy barysynda habarlandy.

Otyrys barysynda Almaty qalasynyń qoǵam ókilderin Agenttik pen azamattyq sektordyń birlesken jumysy nátıjelerimen tanystyrdy.

Búgingi tańda jurtshylyqpen jumys barysynda Qoǵamdyq keńestiń qatysýymen sybaılas jemqorlyq táýekelderi kartasynyń árbir salasy boıynsha jumys toptary qurylyp, qazirde jekelegen salalarda oń nátıjeler bar.

Máselen, jer qatynastary salasynda 1,2 mlrd. teńge somasyna 16 gektardan astam jer memleket menshigine qaıtarylǵan.

Qoǵamdyq keńes tóraǵasy Marat Bashımov Sybaılas jemqorlyqqa qarsy qyzmettiń qoǵammen syndarly áriptestiginiń mańyzdylyǵyn atap ótti.

Óz kezeginde Sybaılas jemqorlyqqa qarsy is-qımyl agenttigi tóraǵasynyń birinshi orynbasary Dmıtrıı Malahov sybaılas jemqorlyqqa qarsy is-qımylda azamattyq qoǵamnyń resýrstaryn paıdalaný qajettigin atap ótti.

– Bul tájirıbeniń artyqshylyǵy – ózara aqparat almasý, naqty sheshimderdi birlesip talqylaý jáne ázirleý, baǵdarlamalardy keshendi ázirleý jáne normatıvtik aktilerge qoǵamdyq saraptama júrgizý. Jurtshylyqpen úılesimdi jumys ekonomıkalyq jáne áleýmettik máselelerdi jedel qaraýdy jáne sapaly sheshýdi qamtamasyz etedi, –  dedi ol.

Qazirgi ýaqytta kartaǵa 6 sala kirgen: Qurylys jáne turǵyn úı, ekonomıka jáne qarjy, ekologıa, jer, fıskaldyq jáne áleýmettik salalar.

Qalalyq sybaılas jemqorlyqqa qarsy vedomstvo atap ótkendeı aǵymdaǵy jyly departament jumysynyń negizgi baǵyty ekologıa salasyndaǵy problemalyq máselelerdi sheshýge baǵyttalatyn bolady.

Almaty qalasy ákiminiń baspasóz qyzmeti