Qazaqstannyń eńbek sińirgen sport sheberi Dáýlet Turlyhanov zańgerlerdi soqqyǵa jyqqan uly Nurasyl Turlyhanovtyń kinási dáleldense, zańdy túrde jazalanatynyn aıtty. Sondaı-aq ol ulynyń áreketi úshin kópshilikten keshirim surady. 

"Aqpannyń 11-ne qaraǵan túni Almatyda meniń ulym men zańgerlerdiń arasynda bolǵan oqıǵaǵa qatysty pikir bildirýdi jón dep taptym. Meniń ulym Nurasyl kámelet jasyna tolǵan azamat, eger onyń kinási dáleldense oǵan Qazaqstan Respýblıkasynyń zańdaryna sáıkes tıisti shara qoldanylady. Sonymen birge men ulymnyń áreketi úshin keshirim suraımyn", dep jazdy Turlyhanov. 

11 aqpanda erli-zaıypty advokattar Anna Dımıtrıevıch pen Oleg Chernov áldekimniń bir qyzdy uryp jatqanyn kórip, qyzǵa arasha túspek bolǵanynda ózderi soqqyǵa jyǵylǵan. Artynsha zańgerlerdi urǵan adam Nurasyl Turlyhanov ekenin belgili boldy.