Memleket basshysy Ýkraına Prezıdenti Vladımır Zelenskıımen telefon arqyly sóılesti.

Ýkraına tarapynyń bastamasy boıynsha memleket basshysy Qasym-Jomart Toqaev Vladımır Zelenskıımen telefon arqyly sóılesti. Eki el basshylary Qazaqstan men Ýkraına arasyndaǵy gýmanıtarlyq baılanystar máselesin talqylady.  

Qasym-Jomart Toqaev Reseı men Ýkraına arasyndaǵy qarýly qaqtyǵysty BUU Jarǵysy men jalpyǵa ortaq halyqaralyq quqyq normalary negizinde dıplomatıalyq jolmen sheshýge qatysty Qazaqstannyń ustanymyn rastady.

Ýkraına tarapy kelissóz ne týraly bolǵany jóninde aqparat taratpady. 

Sońǵy ret Zelenskıı men Toqaev 2022 jyldyń shilde aıynda Ýkraına men Qazaqstan arasyndaǵy dıplomatıalyq qatynastyń 30 jyldyǵyna baılanysty telefon arqyly kelissózder júrgizdi. Kelissóz kezinde taraptar ýkraın astyǵynyń eksportyn talqylady. Sonymen birge Toqaev Ýkraınany ıadrolyq qarýsyz memleket dep taný jáne Kıevtiń kez kelgen koalısıaǵa múshe bolýdan bas tartýy daǵdarysty eńserýdiń eń jaqsy nusqasy ekenin aıtty.