Tirkelmegen Demokratıalyq partıanyń ókili, quqyqqorǵaýshy, jýrnalıs Inga Imanbaı májilis saılaýyna kandıdat retinde tirkelgenin rastaıtyn sáıkes qujatty aldy.
"Jańa ǵana Almatydaǵy bir mandatty №3 saılaý okrýginen májilis depýtattyǵyna úmitker degen qujatymdy aldym. Alla buıyrtsa, erteń saǵat 18-00 saılaý aldy úgit nasıhat jumysy bastalady. Barlyq máseleni sol kezde aıtarmyz. Ádil, ashyq saılaý bolsa, kúreske biz daıynbyz!" dedi jýrnalıs facebook paraqshasynda.
Inga Imanbaı májiliske Almaty qalasyndaǵy №3 saılaý okrýginen majorıtarlyq tártip boıynsha ózin-ózi usynǵandardyń biri.
Bıyldan bastap parlament aralas júıe boıynsha jasaqtalady. Jańa quramnyń 70 paıyzyn partıalyq tizim boıynsha saılanǵandar, 30 paıyzyn majorıtarlyq tártip boıynsha saılanǵandar quramaq.
