Qaırat Boranbaev densaýlyq jaǵdaıyna baılanysty sot otyrysyna qatysýdan bas tartqan. Bul týraly Saryarqa aýdandyq soty habarlady, dep jazady ulysmedia.kz saıty.
Qaırat Boranbaev tergeý ızolátorynda medısınalyq tekserýden ótken. Dárigerler onyń jaǵdaıyn "ortasha aýyr" dep baǵalap, nevropatolog pen neırohırýrgke qaralýǵa keńes bergen.
"Nevrologtyń aıtýynsha, Boranbaev óz betinshe júre alady. Degenmen dárigerler oǵan tósekte qalýǵa keńes bergen. Boranbaevtyń densaýlyq jaǵdaıyn eskere otyryp, sot otyrysyn dúısenbige saǵat 10- ǵa aýystyrýdy jón kóredik", - dedi sýdıa Bapakova.
Darıǵa Nazarbaevanyń qudasy Qaırat Boranbaevty iri kólemde aqsha jymqyrdy degen kúdikpen qamaýǵa aldy.
Pikir qaldyrý