Túrkıada bolǵan zilzala qurbandaryna kúlli álem qaıǵyryp jatyr. Bul náýbet qazaq eliniń de qabyrǵasyn qaıystyrdy. Baýyrlas Túrik aǵaıynǵa rýhanı qoldaý bildirý, demeý bolý, kóńil aıtý nıetinen "Jalǵyz emessiń, jaqynym" atty án týyp, oǵan beınebaıan túsirildi.
Beınebaıan qazaq-túrik dostyǵy, Qazaqstan qıyn shaqta Túrkıaǵa súıeý bolýǵa, kez kelgen jaǵynan demeýge daıyn degen ıdeıalardy arqaý etken.
Ánniń sózin "Qamshy" aqparat agenttiginiń jetekshisi Bilál Qýanysh, áýenin ánshi Ushqyn Jamalbek jazyp, oryndaıdy.
6 aqpan túngi ýaqytta Túrkıanyń ońtústik-shyǵysy men Sırıanyń soltústik-batysynda eki qýatty jer silkinisi bolyp, 46 myńǵa jýyq adam opat boldy. 20 aqpan Túrkıada magnıtýdasy 6,4 jáne 5,8 baldyq taǵy eki jer silkinisi bolyp, úsh adam qaza tapty. Tabıǵı apat saldarynan tutas aýdandar men qalashyqtar qırap, myńdaǵan adam úısiz qaldy. Zilzala saldaryn joıýǵa búkil álem atsalysyp, gýmanıtarlyq, qarjylaı kómek joldap, qutqarýshylaryn jiberip jatyr.
Pikir qaldyrý