Almatyda 5 naýryz kúni saǵat 19:00-de  «Aǵyn» atty álem dramatýrgıasy teatrynyń resmı ashylýy ótedi.

Teatr ártisteri on segiz jastan jıyrma segiz jasqa deıingi T.Júrgenov atyndaǵy Qazaq ulttyq óner akademıasynyń túlekteri.

Teatr repertýaryna álemniń aıtýly jazýshylary men dramatýrgteriniń eńbekteri engen. Qoıylymdar qazaq tilinde ótedi. Kórermen qalaýy boıynsha orys tilinde sýbtıtrler beriledi.

Alǵashqy pesalardyń avtorlary –qazaq jazýshylary Muhtar Áýezov, Rollan Seısenbaev, fransýz jazýshysy – Prosper Merıme, japon jazýshysy – Akýtagava Rúnoske, orys jazýshylary – Evgenıı Popov, Iýrıı Kazakov, Amerıka dramatýrgy – Ýılám Saroıan, Genrı Mıller, nemis dramatýrgy – German Gesse, Kolýmbıa jazýshysy – Gabrıel Garsıa Markes.

Premera – «Namys» spektakli. Qazaq jazýshysy Rollan Seısenbaevtyń «Namys» atty povesiniń jelisimen qoıylǵan.

XVIII ǵasyrda qazaq pen jońǵarlardyń arasynda ólispeı berispeıtin uzaq soǵys bastalady.

Ana-Jer de talady, kózsiz batyrlar da kómýsiz qalady. Tek qazaq pen jońǵar jaýyngerleri ǵana maıdan dalasyn qanǵa boıaýdan bir talmaıdy.

Bul aıaýsyz soǵysta, bir halyq tas-talqan bolyp jeńilýi kerek. Jońǵarlar tarıh alańynan joǵalyp tynady.

Sahna tórinde, qolǵa túsken jońǵardyń jap-jas bıshi qyzy men aıtýly syrnaıshysy jáne adal, ádil qazaq batyry Kúshikbaı týraly tereń syrǵa toly aıaýsyz shyndyq aıtylady.

Qoıylym Almaty qalasy Rıshat jáne Mýslım Abdýllınder kóshesi 38 mekenjaıynda ótedi.