BUU Reseı basqynshylyǵynan Ýkraınada 8 myńnan astam beıbit turǵyn qaza tapqanyn habarlady. 

Resmı derek boıynsha, soǵys bastalǵannan beri 21 580 adam ártúrli jaǵdaıda habar-osharsyz ketse, onyń 8101-i qaza tapqan. Qaza tapqandardyń arasynda 2127 áıel men 488 bala bar. 

Kópshiligi áýe soqqylary kezinde úlken aýmaqqa jaıylatyn jarylǵysh zattardan, aýyr artılerıamen atqylaýdan, dúrkindetip atatyn, jappaı qyryp-joıatyn reaktıv júıe zymyrandary túskennen mert bolǵan.

BUU Adam quqyǵy jónindegi joǵary basqarmasy soǵys kezinde qaza tapqandardyń sany áldeqaıda kóp ekenin aıtady. Óıtkeni soǵys júrip jatqan Marıýpol, Severodonesk, Lısıchansk, Soledar jáne Bahmýt aımaqtarynan tolyq aqparat alý múmkin emes.

Derekkóz: BBC