AQSH-tyń Qytaıdaǵy elshisi Nıkolas Berns  Covid-19 vırýsyna qatysty shyndyqty aıtý keregin málimdedi, dep jazady BBC News. 

"Úsh jyl buryn Ýhan qalasynda bastalǵan indet jóninde shyndyqty jasyrmaýy kerek", dep málimdedi Nıkolas Berns. 

Buǵan deıin vırýstyń Ýhandaǵy zerthanadan shyqqany habarlanǵan edi. AQSH-tyń Energetıka mınıstrligi qorytyndysy boıynsha, vırýstyń taralýyna zerthanadaǵy qaýipsizdik sharalarynyń durys saqtalmaýy sebep bolǵan. 

Al Qytaıdyń Syrtqy ister mınıstrligi indettiń shyǵý tegin ǵylymmen baılanysty ekenin, alaıda bul jaǵdaıdy saıasılandyrýǵa bolmaıtynyn aıtty. 

Búginge deıin jasalǵan basqa zertteýlerdiń qorytyndysy boıynsha koronavırýs Ýhandaǵy Hýanan bazarynda teńiz ónimderi men jabaıy janýarlardan adamǵa juqqan. Alaıda amerıkalyq barlaý qyzmeti vırýstyń janýarlardan juǵý yqtımaldyǵy tómen ekenin málimdedi. 

Degenmen Ulttyq qaýipsizdik ókili Djon Kırbı AQSH pandemıanyń taraýyna qatysty naqty qorytyndy jasamaǵanyn aıtty.