Tótenshe jaǵdaılar mınıstrligi basshysynyń orynbasary Mereke Pishembaev Batys Qazaqstan oblysyndaǵy tikushaq apatyna ne sebep bolǵanyn aıtty.
"Tikushaq bir jyl buryn ǵana jasalǵan. Sondyqtan onyń tehnıkalyq jaǵdaıy jaqsy bolǵany daýsyz. Apat aýa-raıyna baılanysty oryn alǵan. Ázirge naqtysyn aıta almaımyz. Komısıa jumysy aıaqtalǵan soń nátıjesi jarıalanady", - dedi Pishembaev.
Eske sala keteıik, 23 aqpanda Oraldan 54 shaqyrym jerde Tótenshe jaǵdaılar mınıstrliginiń Mı-8 "Qazavıaspa" tikushaǵy apat bolǵan edi. Apat kezinde bortta 5 ekıpaj múshesi men 1 jolaýshy bolǵan.
Apat saldarynan "Qazavıapas" kompanıasynyń tórt qyzmetkeri qaza taýyp, eki adam zardap shekti.
Pikir qaldyrý