"Salem Social Media" kompanıasy “5:32” veb-serıalynyń avtorlaryna qatysty sot sheshimine narazy. Kompanıa appelıasıalyq sotqa shaǵymdanbaq, dep habarlaıdy Qamshy.kz aqparat agenttigi. 

Kompanıa tóreshiniń aýysýyna jáne jańa quramdaǵy sot otyrysynyń eki-aq ret ótýine baılanysty derekterdiń tolyq qaralmaǵanyn aıtady. 

"Bálkim, jańa tóreshi az ýaqytta kitappen de, serıalmen de tolyq tanysyp úlgermegen shyǵar. Sot ózi bastamashylyq etken 3 saraptamanyń birde-bireýin esepke almaǵan. Barlyq saraptamalar avtorlyq quqyqty buzý faktisiniń joqtyǵyn rastady jáne sońynda mynadaı qorytyndy jasady: "Anyqtalǵan derekter jáı ǵana sáıkestik, sondaı-aq salystyrylatyn obektilerdegi jaǵdaılardyń jeke uqsastyqtary shyn máninde  A.Djaldınovtyń kitabynda sıpattalǵan oqıǵalar basqa derekkózderdegideı  bolyp tabylady". Demek, tarıhı jaǵdaılar shynaıy ómirden alynǵan oqıǵalar avtorlyq quqyqpen qorǵalmaıdy", dep habarlaıdy Salem Social Media. 

Salem social media sottyń buǵan deıin "Bylo delo" telebaǵdarlamasyn da, kitap shyqqan ýaqytqa deıingi jýrnalıserdiń maqalalary men manáktar jaıly biletin  kýágerlerdiń aıǵaqtaryn da  eskermegenin aıtady. 

"Senarıster bul kitaptyń ózge kitaptar sekildi naqty faktilerdi jınaqtaý úshin aqparat kózderiniń biri bolǵanyn árqashan rastady. Sotqa dál osyndaı derekkózderdiń úlken tizimi berildi. Sot sheshiminiń logıkasy boıynsha, kitapty oqý avtorlyq quqyqty buzý dep tanylady", deıdi kompanıa. 

Eske salaıyq, buǵan deıin qazaqstandyq avtor Asqar Jaldınov atyshýly “5:32” serıalynyń avtorlary men Salem Social Media kompanıasyna qarsy sotta jeńiske jetkenin jazǵan edi.