Ashyq NQA portalynda memlekettik stıpendıalardy taǵaıyndaý, tóleý qaǵıdalaryn jáne olardyń mólsherlerin bekitý týraly qaýlyǵa ózgerister engizýdi kózdeıtin qaýly jobasy jarıalandy. 

Atalǵan jobaǵa sáıkes, emtıhan sesıalaryn úzdik tapsyrǵan stýdentterdiń shákirtaqysy 15%-ǵa ósedi.  Budan bólek, memlekettik bilim berý tapsyrysy boıynsha bilim alýshylarǵa aı saıynǵy memlekettik stıpendıa mynadaı mólsherde belgilenedi:

• daıarlaýdyń pedagogıkalyq baǵyttarynda jáne "Densaýlyq saqtaý" baǵyty boıynsha bilim alatyn stýdentterdi qospaǵanda, joǵary bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterge – 41 898 teńge;
• pedagogıkalyq baǵyttarda bilim alatyn stýdentterge – 67 200 teńge;
• "Densaýlyq saqtaý" baǵyty boıynsha bilim alatyn stýdentterge – 67 200 teńge;
• ınternderge  – 75 890 teńge;
• magıstranttarǵa – 97 024 teńge;
• "Nazarbaev ýnıversıteti" derbes bilim berý uıymynda bilim alatyn magıstranttarǵa – 162 500 teńge;
• doktoranttarǵa  – 217 500 teńge;
• "Densaýlyq saqtaý" baǵyty boıynsha doktoranttarǵa – 217 500 teńge;
• "Densaýlyq saqtaý" baǵyty boıynsha rezıdent-dárigerlerge jáne magıstranttarǵa – 111 579 teńge.

Sondaı-aq, kelesi sanattarǵa jatatyn stıpendıattardyń shákirtaqysy artady:

• Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn kórý qabileti jaǵynan múgedektigi bar adamdarǵa jáne estý qabileti jaǵynan múgedektigi bar adamdar – 75%;
• Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn, "Ardagerler týraly" QR zańyna sáıkes jeńildikter boıynsha Uly Otan soǵysy kezeńinde jaralanýy, kontýzıa alýy, mertigýi nemese aýrýǵa shaldyǵýy saldarynan bolǵan múgedektigi bar adamdarǵa teńestirilgen stýdentter, magıstranttar jáne ınternder – 50%;
• Jetim balalar men ata-analarynyń qamqorlyǵynsyz qalǵan jáne azamattardyń qamqorlyǵyndaǵy (qorǵanshylyǵyndaǵy) balalar qataryndaǵy joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn stýdentter, magıstranttar jáne ınternder – 30%;
• Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdarynda bilim alatyn, emtıhan sesıasynyń nátıjeleri boıynsha tek "úzdik" degen baǵalary bar stýdentter, magıstranttar (memlekettik ataýly stıpendıalar men QR prezıdentiniń stıpendıalaryn alatyn stýdentterden basqa) – 15%;

Aıta keteıik, qujat jobasy 17 naýryzǵa deıin qoǵamnyń jarıa talqysyna usynylǵan. Ózgerister qaýly alǵashqy resmı jarıalanǵan kúnnen bastap qoldanysqa engiziledi.