QR prezıdenttigine eks-kandıdat, «Tabıǵat» ekologıalyq odaǵynyń jetekshisi Mels Eleýsizov sózden iske kóshpek. Osydan tup-týra bir jyl buryn Memlekettiń ekologıalyq saıasatyn synap, muny jasaǵandardy ury-qarylar dep shýlatqany bar ( anyǵyn aıtqanda Qapparov myrza qoqysty tazalaýǵa tym kóp qarjy jumsaǵanyn dáleldemek bolǵan). Tipti Odaq atynan  Prezıdentke hat joldamaq-ta boldy.

            Endi mine araǵa bir jyl salyp Mels myrza eleýsiz qalmaımyn dep, ózi bir top azamattarmen birigip partıa qurmaq nıeti bar ekenin jetkizip otyr. Bul áreketi bıliktegilerdiń ekologıa máselesine az nazar bólgennen keıin jasalyp otyrǵanyn jetkizdi.

            Mels myrza partıasynyń Prezıdent pen úkimetke qarsy emes  ekenin, jáne eshqandaı da kóterilis jasaýshy hám terrorıster emes ekenin málimdedi.

            Alaıda «Tabıǵat» ekologoıalyq odaǵynyń partıaǵa aınalýy úshin kemi qyryq myń qoldaýshy tabýy tıis. Onyń ústine qarjylyq jaǵdaıy da durys emes. Al, dál qazir Mels myrzanyń taıaýda órtenip ketken keńsesin jóndeýge de qarjysy joq bolyp shyqty. Esterińizde bolsa, osydan bir jyl buryn ol Prezıdent saılaýyna qatysyp, agıtasıa jumystaryna aqshasy jetpeı kandıdattyǵynan bas tartqan bolatyn. Osynyń barlyǵyn eskere kele,  Eleýsizov myrzanyń eleýsiz qalmaýy úshin jasalǵan taǵy bir pıar júrisi me degen de oı keledi.