Sırıa prezıdenti Bashar Asad memleket basshysy Qasym-Jomart Toqaevqa gýmanıtarlyq kómek úshin alǵys aıtty, - dep habarlaıdy Aqorda.

Sırıa Prezıdenti Bashar Asad Memleket basshysy Qasym-Jomart Toqaevqa jedelhat joldap,  2023 jyldyń aqpanynda bolǵan joıqyn jer silkinisinen zardap shekken sırıalyqtarǵa kórsetken gýmanıtarlyq kómek úshin alǵysyn bildirdi.

"Sırıa halqy qıyn jaǵdaıda kómek kórsetken Qazaqstan ustanymyn joǵary baǵalaıdy", - delingen jedelhatta.

Eske sala keteıik, 6 aqpanda Túrkıanyń ońtústik-shyǵys bóliginde bolǵan jer silkinisinen Sırıanyń birneshe provınsıasy da zardap shekti. 11 aqpanda Qazaqstan Azyq-túlik qaýipsizdigi jónindegi Islam uıymynyń (IOFS) qoldaýymen Sırıaǵa 50 tonna gýmanıtarlyq kómek jetkizilgen bolatyn.