Global fire power álem elderiniń áskerı qýat deńgeıi boıynsha reıntıng jarıalady. Reıtıń boıynsha, Qazaqstan álem elderi arasynda 63 orynda tur.
Global Fire Power – birqatar faktorlardy eskere otyryp, jyl saıynǵy álem elderiniń áskerı qýat deńgeıin baǵalaý júıesi. Reıtıń daıyndaǵan sarapshylar álem elderiniń áskerı áleýeti men kúshin baǵalaý, atys kúshine baılanysty 60-tan astam faktorlarǵa negizdelgenin aıtqan.
Mamandar eldegi áskerı bólimderdiń sanyn, onyń qarjylyq jaǵdaıy, materıaldyq-tehnıkalyq múmkindikteri jáne geografıasyn eskergen. Atap aıtqanda, qorǵanys shyǵyndarynyń deńgeıin, tehnıka men jabdyqtardyń arsenalyn, armıa sanyn, tankter, kemeler men ushaqtardyń jáne basqa da áskerı tehnıkanyń sanyn, sondaı-aq armıanyń jaýyngerlik qabiletine áser etetin resýrstarǵa, munaıǵa, kómirge jáne t.b. qoljetimdilikti esepke alǵan.Alaıda ıadrolyq qarýdyń bolýy eseptelmegen.
Reıtıńide AQSH, Reseı, Qytaı elderi kósh bastap tur. Al Qazaqstan bolsa Marokko men Ózbekstannan keıingi 63 orynda. Túrikmenstan, Armenıa, Qyrǵyzstan, Tájikstan jáne Moldovanyń áskerı qýaty Qazaqstannan keıingi oryndy alǵan.
Global Fire Power dereginshe, Qazaqstan avıasıasynda barlyǵy 237 ushý apparaty bar: 75 jaýyngerlik tikushaq, ushaqtar arasynda - 39 shtýrmovık, 81 ıstrebıtel, 17 kólik jáne 25 oqý ushaǵy. Budan bólek, elimizdegi qurlyq áskerlerinde 300 tank, 5,2 myń brondy jaýyngerlik mashına, 246 ózdiginen júretin artılerıalyq qondyrǵy, 456 birlik súıretiletin artılerıa jáne 407 voleıbol atysynyń reaktıvti júıesi bar.
Pikir qaldyrý