Reseılik rezervshiler oq-dárilerdiń jetispeýshiligine baılanysty kúrekpen soǵysýǵa májbúr, dep jazady BBC News.  Saıt Ulybrıtanıa Qorǵanys mınıstrliginiń deregin negizge alǵan. 

Aqpan aıynyń sońynda reseılik rezervshiler tek atys qarýymen jáne kúrekpen qarýlanǵan kúıde shabýyl jasaýǵa buıryq alǵan. 

Ulybrıtanıanyń barlaý qyzmetiniń habarlaýynsha, shabýyl jasaý úshin MPL-50 kúregi beriledi. Atalǵan kúrek 1869 jyly jasalǵan jáne sodan beri ózgertilmegen.

"Mundaı qarý túrin qoldaný tehnıkanyń joqtyǵyn bildiredi", dep jazady mınıstrlik. Reseılik rezervshilerdiń biri mundaı soǵysqa fızıkalyq turǵydan da, psıhologıalyq turǵydan da daıyn emes ekenin aıtqan.  

Sońǵy derekter boıynsha Reseı men Ýkraına arasynda jaqyn ara qashyqtyqtaǵy soǵys sany kóbeıgen.