Human Rights Watch (HRW) halyqaralyq quqyq qorǵaý uıymy Qazaqstan bıligin turmystyq zorlyq-zombylyqqa baılanysty zańdy qaıta qarap, zań jobalaryn kúsheıtýge shaqyrdy, dep jazady HRW News. 

Halyqaralyq uıym turmystyq zorlyq-zombylyqty jeke qylmys retinde qarastyryp, áıelderdi tolyq qorǵaýdy surady.

"Turmystyq zorlyq-zombylyq – Qazaqstandańǵy eń ózekti máselelerdiń biri. Qazirgi qoldanystaǵy Qazaqstan zańdary zorlyq-zombylyqpen kúreste oń nátıje kórsetip jatqan joq.  Qazaqstan bıligi qabyldaıtyn zańdar halyqaralyq standarttarǵa saı bolýy mańyzdy. Bılik zańdy ashyq talqyǵa shyǵaryp, adam quqyǵy men áıel quqyǵyn qorǵap júrgen ekspertterdiń pikirin eskerýi kerek", - delingen habarlamada.

Eske sala keteıik, BUU derekteri boıynsha Qazaqstanda turmystyq zorlyq-zombylyqtan jylyna 400 ge jýyq áıel qaıtys bolady.