Almatyda 8 naýryzǵa oraı femınısttik uıymdardyń uıymdastyrýymen turmystyq zorlyq–zombylyqqa qarsy ruqsat etilgen mıtıń ótti. Uıymdastyrýshylar qatarynda maslıhat úmitkeri Janar Sekerbaeva da bar. 

Femınıster mıtıńte turmystyq zorlyq-zombylyq pen dene avtonomıasy úshin kúres taqyrybyn alǵan.

"Áıeldiń 40 jany joq", "Áıel bastaǵan kósh alǵa", "Zorlyq otbasydan bastalady" syndy urandardy kótergen qyz-kelinshekter eldegi zorlyq-zombylyqty toqtatyp, áıel quqyǵyn qorǵaýdy talap etti. Sherýshiler arasynan "Shymkent pen Túrkistandaǵy pedofılıany kim toqtatady?" degen jazýdy da baıqaýǵa bolady.

Maslıhat úmitkeri, "Femınıta" uıymyn qurýshylardyń biri Janar Sekerbaeva:

"Turmystyq zorlyq-zombylyq týraly zań parlamentte qarastyryp jatqanyna 3 jyldan asty. Biraq áli kúshine engen joq. Erkekter áskerge barǵanda ǵana óz qaýipsizdigi úshin qorqatyn shyǵar. Al áıelder ómir boıy qorqyp ótedi. Túnde júrý bizge qashanǵa deıin qorqynyshty bolý kerek?", dep málimdedi sherý alańynda.

Sonymen qatar femınısttik marsh búgin Bishkekte de bolyp jatyr. Al 8 sáýirde Astana qalasynda ótedi.