«AMANAT» partıasy 8 naýryz – áıelderdiń halyqaralyq merekesine oraı «Bir tolqynda» konsertin uıymdastyrdy. İs-shara elordadaǵy «Han Shatyr» saýda oıyn-saýyq ortalyǵynda ótti. Konsertke 10 myńǵa jýyq kórermen jınaldy.

Astana qalasynyń turǵyndary men qonaqtarynyń aldynda tanymal qazaqstandyq estrada juldyzdary óner kórsetti. Olardyń qatarynda Turar Ydyrys, Qazybek Quraıysh, Ziru, Qobylandy men Mansur, Muhammedáli Júginisov jáne Zein boldy.

İs-shara barysynda «AMANAT» partıasynyń Respýblıkalyq saılaýaldy shtabynyń músheleri otandastarymyzdy merekemen quttyqtap, 19 naýryzda ótetin QR Parlamenti Májilisi men barlyq deńgeıdegi máslıhattar saılaýynda daýys berýge shaqyrdy.

«AMANAT» partıasynyń Atqarýshy hatshysy Elnur Beısenbaev aldaǵy saılaý Memleket basshysy Qasym-Jomart Toqaevtyń bastamasymen iske asyp jatqan aýqymdy saıası reformalardyń laıyqty jalǵasy ekenin atap ótti.

«Bizdiń saılaýaldy baǵdarlamamyzdyń avtory – halyq! Bul qujat – saılaýshylardan kelip túsken 200 myńnan astam usynys-pikirdiń nátıjesi. Biz Asan Qaıǵynyń Jeruıyǵy men ál-Farabıdiń izgi qoǵam ıdeıasyn, Abaıdyń tolyq adam konsepsıasyn, Alash arystarynyń uly murattaryn úlgi-ónege tutamyz. Ata-babalarymyzdyń isin otansúıgish, bilimdi ári sanaly jastar jalǵastyrady. Barshańyzdy osy qundylyqtardy qorǵaıtyn jáne qoǵamnyń ıgiligi úshin jumys isteıtin «AMANAT» partıasyna daýys berýge shaqyramyn. Nar táýekel!», – dedi ol.

Óz kezeginde, QR Parlamenti Májilisi depýtattyǵyna kandıdat, paralımpıadashy Sevda Álıeva elimiz damýdyń jańa kezeńine qadam basqanyn atap ótti.

«Biz – múgedektigi bar adamdar, belsendi ómir súrgimiz keledi. Barlyq salada eńbek etkimiz, el aýmaǵynda erkin júrip-turǵymyz keledi. Bul múmkindikter bizdiń saılaýaldy baǵdarlamamyzda anyq jazylǵan. Iaǵnı, kedergisiz orta qurý, járdemaqy mólsherin arttyrý, erekshe balalarǵa arnalǵan ortalyqtar ashý, áleýmettik qyzmetter portalyn jaqsartý bastamalaryna erekshe mán beremiz. Qazaqstanda shamamen 700 myńǵa jýyq erekshe qajettilgi bar adam ómir súredi. Eger siz múgedektigi bar adamdardyń taǵdyryna beı-jaı qaramaıtyn bolsańyz, 19 naýryzda saılaýǵa kelip, «AMANAT»-qa daýys berýińizdi suraımyn», – dedi ol.

QR Parlamenti Májilisi depýtattyǵyna kandıdat, saıasattanýshy Dınara Sádýaqasova partıa genderlik teńdik qalyptastyrýdy kózdeıtinin jáne jalaqy men laýazym adamnyń jynysyna emes, daǵdysyna qaraı bólinýi tıis ekenin atap ótti.

«Partıa áıelder qaýymyn únemi qoldap keledi. Máselen, jaqynda alǵash ret áıelder forýmy ótti. Sondaı-aq partıa janynan áıelder qanaty qurylady. Men sıaqty qyzdardyń depýtat bolýǵa múmkindigi paıda boldy. Partıa shákirtaqy mólsherin kóterýge de, grant sanyn arttyrýǵa da, jataqhana salýǵa da atsalysady. Partıa munyń bárin jastar qaýymy úshin jasap jatyr. Sondyqtan, «AMANAT»-qa daýys beretin bolsańyzdar, partıa osyndaı ıgi isterin ary qaraı jalǵasytardy», - dedi ol.

Úgit-nasıhat naýqany bastalǵaly beri partıalyqtar 2,5 mln qazaqstandyq qatysqan 20 myń is-shara ótkizdi. Qoǵamdyq qabyldaý bólmelerine saılaýshylardyń 15 myńǵa jýyq  usynys-pikiri kelip tústi.

Aıta keteıik, «AMANAT»-tyń Respýblıkalyq saılaýaldy shtabynyń quramyna partıanyń 486 belsendi jaqtaýshysy kirdi. 226 óńirlik jáne aýmaqtyq saılaýaldy shtabtarǵa 7,5 myńǵa jýyq adam jumyldyryldy. Bul jumysqa úmitkerlerdiń 27 myńnan astam senimdi ókilderi qosyldy.

«AMANAT» partıasy músheleriniń 60%-dan astamy – áıelder. Saılaýdaǵy partıalyq tizimniń úshten birin qyz-kelinshekter qurap otyr.

Eske sala keteıik, buǵan deıin 7 aqpanda «AMANAT» partıasynyń kezekten tys XXV Sezi ótip, onyń qorytyndysy boıynsha partıa barlyq deńgeıdegi máslıhattarǵa 3821 jáne QR Parlamenti Májilisine 119 kandıdat usyndy. Elimizdiń ókiletti organdaryndaǵy «AMANAT» partıasynyń kandıdattary 75%-ǵa jańardy.

Respýblıkalyq jáne 20 óńirlik saılaýaldy baǵdarlamalardyń tolyq mátinimen, sondaı-aq «AMANAT» partıasynan depýtattyqqa kandıdattardyń tizimimen «https://amanat2023.kz» saıtynan tanysýǵa bolady.

Daıyndaǵan: "AMANAT" partıasynyń baspasóz qyzmeti

Tapsyrys berýshi: M.J. Ospanov

“AMANAT” partıasynyń saılaý qory qarajaty esebinen tólendi.