Almaty men Aqtóbede áıelderdiń zeınet jasyn tómendetýge baılanysty mıtıń ótti. Tájikstanda 5,7 baldyq jer silkinisi boldy. Bul týraly Qamshy.kz aqparat agenttigi tolyǵyraq habarlaıdy. 

Qazaqstan jańalyqtary

Jambyl oblysynda 202 myń gektar jer memleketke qaıtaryldy

Jambyl oblysynda paıdalanylmaı jatqan 202 myń gektar jer memleket menshigine ótti. Bul alqap buǵan deıin 449 adamnyń ıeliginde bolǵan. Oblystyq prokýratýranyń aralasýynan soń jer sotqa jetpeı qaıtaryldy. Sonyń arqasynda jaıylymnyń jetispeýshiligi ishinara sheshile bastady. Máselen byltyr aýyl turǵyndaryna 700 myń gektarǵa jýyq mal jaıatyn aýmaq qajet bolǵan. 

Aqtóbe men Almatyda áıeldiń zeınet jasyn tómendetýdi talap etken mıtıń ótti

Qazaqstannyń batysyndaǵy Aqtóbe qalasynda áıeldiń zeınet jasyn tómendetýdi talap etken mıtıń ótti. Ruqsat etilgen mıtıń qala shetindegi "Avıator" parkinde boldy, oǵan 30 shaqty adam qatysty. Jıynǵa kelgender Qazaqstanda áıeldiń zeınet jasyn 58-ge túsirýdi talap etti.

Áıeldiń zeınet jasyn tómendetýdi talap etken mıtıń Almatyda da ótti. QazTAG-tyń habarlaýynsha, áıelderdiń birazy jıynǵa qazaqtyń ulttyq kıimimen keldi. Olar áıeldiń zeınet jasyn tómendetý bolashaq ájelerdiń jaqsy ómir súrýine jaǵdaı jasaıdy degen pikir aıtty.

Elimizde koronavırýs juqtyrǵan 4 adamnyń jaǵdaıy aýyr - DSM

Qazaqstanda KVI ınfeksıasyna shaldyqqandar sany azaıyp keledi. Ótken táýlikte elimizde 27 adamnan koronavırýs anyqtaldy. 9 naýryzdaǵy málimet boıynsha, 1 731 adam koronavırýs ınfeksıasynan (–1 552 + jáne 179 KVI-) emdelýde, olardyń ishinde 135 pasıent stasıonarda, 1 596 naýqas ambýlatorıalyq deńgeıde em qabyldaýda.

Álem jańalyqtary

Tájikstanda 5,7 baldyq jer silkinisi boldy

Tótenshe jaǵdaılar mınıstrligi "STÁK" JSHS-niń seısmıkalyq stansalar jelisi 9 naýryzda Almaty ýaqyty boıynsha saǵat 07:36-da jer silkinisin tirkedi. Jerasty dúmpýiniń oshaǵy Almaty qalasynan ońtústik-batysqa qaraı 598 shaqyrym jerde, Tájikstan aýmaǵynda jatyr.

Egıpette stansıaǵa kelgen poıyz aýdarylyp qaldy

Apat 7 naýryzda Kaırdiń soltústigindegi Kalıýb qalasynda bolǵan. Egıpettegi poıyz apatynan zardap shekkender sany ósti. Eki adam qaıtys bolyp, jaralanǵandar sany 16 adamǵa jetti