Qytaıdyń Shyńjań aımaǵynda abaqtyda otyrǵan dintanýshy Baqythan Myrzan 61 jasynda qaıtys boldy. Bul týraly Azattyq onyń týystaryna silteme jasap habarlady.
Osyǵan deıin Baqythan Myrzannyń qaryndasy Almahan Myrzan Qytaıdyń Almatydaǵy konsýldyǵy aldynda talaı ret pıketke shyǵyp, resmı Pekınnen aǵasyn bosatýdy jáne Qazaqstanǵa kelýine ruqsat berýdi suraǵan.
Qytaıdyń Qazaqstandaǵy elshiligi Myrzannyń qazasy jónindegi habarǵa qatysty eshqandaı pikir bildirmedi.
Almahan Myrzan aǵasy 2018 jyly dinı rásim atqarǵany úshin 14 jylǵa sottalǵanyn aıtqan. Qytaıda turatyn týystary Baqythan Myrzannyń densaýlyǵy nasharlap ketkenin aıtyp, úıqamaqqa bosatýdy suraǵan.
Pikir qaldyrý