Grýzıada eki kúnnen beri narazylyq sherýi ótýde. «Shetel agentteri» týraly zańnyń qabyldanýyna qarsy shyqqan halyq, Tbılısıdegi parlament ǵımaratyna basyp kirgen.

Sherýshiler arasynda qoldaryna Ýkraına týyn ustap shyqqandar bar. Sondaı-aq, qala ortalyǵynda osy eldiń Ánurany shyrqalypty.

Óz kezeginde Ýkraına prezıdenti Vladımır Zelenskıı Telegram – arnasynda barlyq ýkraındyq Grýzıaǵa demokratıalyq tabys pen eýroıntegrasıa máselesinde ilgerileýshilik tileıtinin jazdy.

«Tbılısıde shyrqalǵan ulttyq Ánuranymyz úshin alǵys aıtamyn. Bul Ýkraınaǵa degen úlken qurmet. Grýzıanyń jeńisin tilemeıtin ýkraındyq joq. Bul – búkil Eýropanyń, demokratıanyń jeńisi. Biz Eýropalyq odaqtyń quramynda bolǵymyz keledi. Grýzıa men Moldova da Eýroodaqqa qosylatynyna senemin. Eýropanyń barlyq erkin elderi EO-qa múshe bolýǵa laıyqty», – dedi Zelenskıı.

Aıta keteıik, Grýzıa Parlamenti birinshi oqylymda qabyldanǵan «Shetel agentteri» týraly zańǵa sáıkes, 20 %-dan astam shetelden qarjylandyrylatyn barlyq BAQ jáne komersıalyq emes uıymdar ınoagentter bolyp sanalady. Synshylar qujattyń jobasy Reseıdegi qoldanystaǵy zańnamaǵa uqsas jáne Grýzıany batystan alshaqtatady deıdi.