19 naýryzǵa taǵaıyndalǵan saılaýǵa sanaýly kúnder qaldy. Úgit-nasıhat jumystary qarqyndy jalǵasýda. Búgin AMANAT partıasynyń oblystyq saılaýaldy shtabynyń bir top músheleri «Atyraý oblysy Sý Arnasy» KMK ujymymen kezdesti.

Atyraý oblysy – donor aımaq. Osy rette respýblıkalyq alyp qoıýlardyń kóp ekeni, sol qarajat kólemin azaıtyp, oblystyń óz qajettiligine jaratý týraly másele az aıtylyp júrgen joq. Atalǵan basqosý barysynda bul taqyryp ta talqyǵa tústi.

Elimizdegi jańarý men jańǵyrýdyń uıytqysy sanalatyn AMANAT partıasy halyqtyń suranystaryna negizdelgen «Halyqpen birge!» saılaýaldy baǵdarlamasyn jasaqtady. Strategıalyq mańyzy zor baǵdarlamada kóptegen máseleler, ózekti problemalar tolyǵymen kórinis tapqan. İske asatyn sharalar qoǵamnyń kez-kelgen ókilderine laıyqty. Osy máselelerdi atap ótken shtab músheleri, kandıdattar AMANAT partıasynyń negizgi ustanymdaryn tanystyryp, pikir almasty.  

Atalǵandarǵa qosa, tarıf baǵasy, ınflásıaǵa baılanysty jalaqynyń joǵarylaýy qajettiligi týraly máseleler de kóterildi. Shtab músheleri aıtylǵan ár usynys, joldanǵan saýaldardyń nazardan tys qalmaıtynyn jetkizdi.

Tapsyrys berýshi: AMANAT partıasynyń Atyraý oblystyq fılıaly

AMANAT partıasynyń Atyraý oblysynyń saılaý qory qarajatynan tólendi