9 naýryz – Erekshe oılaý qabileti bar adamdar kúni. Álemdi ózgertken uly jańalyqtar ashyp, adamzat tarıhynda esimi altyn árippen jazylǵan tulǵalardyń kóbisi osy qasıetke ıe bolǵan desedi.

Genrıh Shlıman

Arheolog Troıa qalasyn tapty. Buǵan deıin bul shahardyń ataýy, tek ejelgi grek mıfterinde ǵana kezdesken. Ondaı qalanyń tarıhta bolǵanyna jurt senbeıtin. Alaıda, Genrıh Shlıman ańyz-áńgimelerdi paıdalanyp, qazba jumystaryna kirisedi jáne qum astynda qalǵan shahardyń «Troıa» ekenin dáleldeıdi.

Stıv Djobs

Apple kompanıasynyń negizin qalaǵan ataqty kásipker Stıv Djobs erekshe oılaý qabileti arqyly ózi kútkennen de asyp túsetin ónimder jasap shyǵarǵan. Ol múmkin emes nárseni jasaýdan qoryqpaıdy. Jańa ónimniń kelbetine asa mán berýge tyrysady.

Nıkola Tesla

Erekshe oılaý qabileti bar áıgili ónertapqysh - Nıkola Tesla. Ol aınymaly toq júıesin jasap shyǵarǵan. Tesla ómiriniń sońǵy kúnderine deıin ǵylym jolynda qyzmet etip, basqa da ónertabystardyń avtory atanǵan.