Grýzıa bıligi jappaı narazylyq týdyrǵan "Sheteldik yqpaldyń ashyqtyǵy týraly" zań jobasyn keri qaıtarý týraly sheshim qabyldady. Bul týraly parlamenttiń kóp bóligin quraıtyn jáne atalǵan zań jobasynyń bastamashysy bolǵan "Halyq kúshi" qoǵamdyq qozǵalysynyń birlesken málimdemesinde aıtyldy, dep jazady Sputnik Grýzıa. 

Atalǵan málimdemede qabyldanǵan zań jobasy qoǵamda qarama-qaıshy pikirler týdyrǵany atap ótildi. 

"Zań jobasy halyqqa teris túsindirildi. Qujatqa "Reseı zańy" degen jalǵan ataý taǵylyp, onyń birinshi oqylymda qabyldanýy jurtshylyqtyń bir bóliginiń kóz aldynda eýropalyq baǵyttan aýytqý retinde usynyldy. Sonymen qatar, radıkaldy kúshter jastardyń bir bóligin zańsyz áreketterge tarta aldy", - delingen taraptardyń birlesken málimdemesinde.

Budan bólek málimdemede radıkaldy kúshterdiń jastardy zańsyz áreketterge ıtermegeni aıtyldy. 

Aıta keteıik, Grýzıa Parlamenti birinshi oqylymda qabyldanǵan «Shetel agentteri» týraly zańǵa sáıkes, 20 %-dan astam shetelden qarjylandyrylatyn barlyq BAQ jáne komersıalyq emes uıymdar ınoagentter bolyp sanalady. Synshylar qujattyń jobasy Reseıdegi qoldanystaǵy zańnamaǵa uqsas jáne Grýzıany batystan alshaqtatady deıdi.