Qazaqstanda esirtki tutynatyn jasóspirimderdi anyqtaý úshin skrınıng engizilýi múmkin. Skrınıng nashaqorlyqty anyqtaýǵa múmkindik beredi.

"Mundaı shara nashaqorlyq pen esirtki bıznesine qarsy kúrestiń 2023-2025 jyldarǵa arnalǵan keshendi josparynda qarastyrylǵan", dep habarlady ishki ister mınıstri Marat Ahmetjanov úkimet otyrysynda.

Mınıstrdiń aıtýynsha, Qazaqtanda nashaqorlardyń esebi júrgizilmegendikten, naqty statısıka joq. Densaýlyq saqtaý mınıstrliginde Qazaqstanda 18 myń esirtkige táýeldi adam tirkelgen. Biraq sarapshylardyń nashaqorlardyń sany resmı derekterden 5 ese kóp.

Skrınıngti oqý oryndaryna, jumysqa ornalasýǵa, memlekettik qyzmetke jáne Qarýly Kúshterge qabyldaý kezinde medısınalyq tekserý aıasynda ótkizý usynylǵan.

"Búginde sıntetıkalyq esirtkiler keńinen taralǵan jáne azamattar qoljetimdi ekenin moıyndaý kerek. Eger nashaqorlyq erte satysynda anyqtalsa 95% jaǵdaıda adam qalypty ómirge oralýy múmkin ekenin sarapta kórsetip otyr", - dep qosty İİM basshysy.

Derekkóz: informburo.kz