Almatydaǵy Ulttyq kitaphanada 17 naýryz kúni "Kelun-Kazpharm" kompanıasynyń atqarýshy dırektory Mereı Slamulynyń týǵanyna 60 jas tolý mereıtoıyna oraı "Búgingi Qazaqstan jáne otandyq óndiris" atty dóńgelek ústel ótedi. 

Dóńgelek ústelde Prezıdenttiń keńesshisi, Almaty oblystyq ákimshiliginen jáne «Atameken» kásipkerler palatasynan arnaıy ókilder, memlekettik mekemelerdiń basshylary, zıaly qaýym ókilderi, kásipkerlik kompanıalardyń basshylary: Otarbaev Málik Nurjanuly, Ospanova Baqytjamal Qaıyrbekqyzy, Ómiráli Qopabaev, Zaıadan Bolathan Qazyhanuly, Zıabek Qabdýldınov, Dýken Másimhanuly,  Nábıjan Muqamethanuly, Baıǵalı Esenáli, Almas Ahmetbek jáne de ózgede belgili tulǵalar jáne aqparat salasynyń ókilderi bolady.

Mereı Slamuly – belgili kásipker, mesenat. 1963 jyldyń 20 qańtarynda QHR Shyńjań Uıǵyr avtonomıalyq aýdany, Qutybı aýdanyna qarasty Torǵaıty eldi mekeninde dúnıege kelgen. Bastaýysh mektepti Torǵaıtyda oqyp, orta mektepti Qutybı aýdanynda bitirgen. 1982-1986 jyldar aralyǵynda Qytaıdyń áıgili Nankın Ýnıversıtetiniń Bıologıa fakúltetinde Botanıka mamandyǵy boıynsha bilim alǵan.

2014 jyly Mereı Slamuly 5 jylda salynatyn zaýytty 1 jyldyń ishinde iske qosyp, 500 adamdy jumyspen qamtyp otyr. Al "Kelun-Kazpharm" – Qazaqstannyń eń iri úshtigine kiretin, dári óndiretin, álemdik farmasevtıka salasynda orny bar korporasıa. 

Óndiris Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn (Qazaqstan Respýblıkasy Prezıdentiniń 2010 jylǵy 1 aqpandaǵy № 922 Jarlyǵy) oryndaý maqsatynda qurylǵan.

Qazaqstan bul sala endi-endi damyp, aıaqqa turyp keledi. Atalǵan sala monopolıalanǵandyqtan dárini eksporttaýdyń ózine mıllıardtaǵan qarjy jumsalady. Mysaly qaterli isikke qarsy dáriniń ózin elimiz 32 mıllıon dollarǵa eksporttaıdy. Al dáráni ózindik quny – 3-4 mln dollar. Keıin Mereı Slamuly jeke zaýyt ashyp, osy saladaǵy monopolıany joıýǵa atsalysty. 2015 jyly 30 mln dollarǵa AQSH tan eksporttap júrgen “Dosetaksel” bir ǵana dáriniń 22 mln dollaryn únemdedi. Al qazir atalǵan zaýytta 20 shaqty túrli dári óndiredi. Onyń 70%-y TMD elderine eksporttalady.