«AMANAT» partıasynyń Tóraǵasy Erlan Qoshanov Mańǵystaý oblysynda Amal merekesine qatysty.

«Otpan taý» tarıhı-mádenı kesheniniń alańynda 10 myńnan astam adamnyń qatysýymen Amal merekesi atap ótildi.

«AMANAT» partıasynyń Tóraǵasy Erlan Qoshanov jınalǵandardy merekemen quttyqtap, Amalǵa arnaıy shaqyrǵandary úshin rızashylyǵyn bildirdi.

«Amaldy jańarýdyń, jańǵyrýdyń aıy deımiz. Memleket basshysy byltyrǵy tarıhı joldaýyn da dál osy amal kúnderi jarıa etken bolatyn. Endeshe, elimizdegi saıası jańǵyrý men oń ózgerister sol qasıetti kúnnen bastaý aldy desek te bolady. Bıylǵy amaldyń da máni zor. Biz tek qystan ǵana aman shyqpadyq, eldiń erteńi synǵa túsken qyspaqtan da aman shyqtyq», - dedi Erlan Qoshanov.

«AMANAT» partıasynyń Tóraǵasy Qasym-Jomart Toqaevtyń bastamasymen elimizdiń saılaý, partıa jáne sot-quqyqtyq júıelerinde túbegeıli jańartýlar oryn alǵanyna, ákimshilik-aýmaqtyq qurylym qaıta qaralǵanyna toqtaldy. Munyń bárin qazaqstandyqtar jalpyhalyqtyq referendýmda keńinen qoldaǵan bolatyn.

«Bul – ókpe-renishti umytyp, emen-jarqyn qaýyshatyn, meıirim men izgilik saltanat quratyn ýaqyt. Birlik pen tatýlyqtyń bastaýy. Birligimiz bekem, tirligimiz baıandy bolǵaı. Elimiz aman, táýelsizdigimiz máńgilik bolsyn», - dep atap ótti Erlan Qoshanov.

«AMANAT» partıasynyń Tóraǵasy jınalǵan jurtshylyqty eldegi saıası jańǵyrtý isine belsendi atsalysýǵa jáne 19 naýryzda ótetin saılaýǵa birkisideı qatysýǵa shaqyrdy. 

Merekege oraı 50-ge jýyq kıiz úı tigilip, meımandarǵa ulttyq taǵamdar usynyldy. Jınalǵandar konserttik baǵdarlamadan bólek, at sporty oıyndaryn, balýandar kúresin jáne basqa da ulttyq sport túrlerin tamashalady.

Daıyndaǵan: "AMANAT" partıasynyń baspasóz qyzmeti

Tapsyrys berýshi: M.J. Ospanov

“AMANAT” partıasynyń saılaý qory qarajaty esebinen tólendi.