Kolej stýdentteri SMS habarlama arqyly áskerı boryshyn óteý merzimin keıinge jyljyta alady.

Memlekettik qyzmetterdi sıfrlandyrý jáne avtomattandyrý departamenti habarlaǵandaı, QR Oqý-aǵartý mınıstrligi men memlekettik organdardyń aqparattyq júıelerin ıntegrasıalaý nátıjesinde 2023 jyldyń naýryz aıynan bastap kolej stýdentterine proaktıvti formatta SMS joldanady.

"Kúndizgi oqý nysanyndaǵy kolej stýdentterine áskerı qyzmetke shaqyrýdy keıinge qaldyrý oqý aıaqtalǵanǵa deıin beriledi. Ol Oqý-aǵartý mınıstrliginiń Ulttyq jalpy bilim berý derekter bazasynan rastalady jáne sonyń negizinde SMS arqyly keıinge qaldyrý nemese áskerden bosatý ruqsaty beriledi", – dedi Memlekettik qyzmetterdi sıfrlandyrý jáne avtomattandyrý departamentiniń dırektory Azat Tıshtybaev.

Búgingi tańda Qazaqstan kolejderinde áskerge shaqyrý jasyndaǵy 118 myńǵa jýyq stýdent bilim alady.