Qazaqstanda Ramazan aıy 23 naýryzda bastalady, dep habarlady Qazaqstan musylmandary dinı basqarmasynyń tóraǵasy, bas múftı Naýryzbaı qajy Taǵanuly.
"Biz ǵylymı zertteýlerdiń nátıjelerin eskere otyryp, Ortalyq Azıa elderiniń múftılerimen, pátýa salasyna jaýapty ǵalymdarmen birlesken sheshim qabyldadyq. Alla Taǵalanyń ruqsatymen Bıyl Ramazan aıy 23 naýryzda bastalady. Al 17 sáýirden 18 sáýirge deıingi tún – Qadir túni. 21 sáýir – Oraza Aıt merekesi", - dedi Naýryzbaı qajy Taǵanuly.
Bıyl pitir sadaqa mólsheri 535 teńge bolyp bekitildi. Pitir sadaqa somasy el boıynsha eki kılogramm unnyń ortasha baǵasymen eseptelingen.
"Un baǵasy QMDB qalalyq jáne aýdandyq bólimsheleri bergen aqparat negizinde anyqtaldy. Siz pitir sadaqany qurma men meıiz baǵasymen tarata alasyz", - dedi Naýryzbaı qajy Taǵanuly.
Qazaqstan musylmandary dinı basqarmasy qalalar boıynsha oraza kúntizbesin jarıalady.
Pikir qaldyrý