Birneshe otandyq IT jobalardy biriktirgen Bugin Holding aqparattyq tehnologıalar salasynda qarqyndy damyp keledi. Holdıń «adamı áleýettik sapany arttyrý arqyly adamdardy baqytty jáne tabysty etý» mısıasyn oryndaý maqsatynda Ortalyq Azıa áıelderiniń damýy men ósýine arnalǵan «Ma!Ma!» jobasyna ınvestısıa quıyp, seriktestikte jumys jasap bastady.

Búginde «Ma!Ma!» mobıldi qosymshasyn 65 000-ǵa jýyq qyz-kelinshek paıdalanady. Qosymsha 4 túrli bólimnen turady: lenta, qyzmet, marketpleıs jáne profıl. Lenta arqyly dárigerge suraq qoıýǵa, saýalnama júrgizýge, kez kelgen taqyrypta post jazýǵa, pikir qaldyrýǵa, laık basýǵa jáne unaǵan qoldanýshyǵa jazylýǵa bolady. Lenta bólimi balanyń damýy men ósýine jáne ana densaýlyǵyna qajetti keńester ortasy sanalady. Árbir paıdalanýshy kez kelgen suraǵyna osy bólimde jaýap alady. Al klnıkalyq analızder tizimi men júktilik kezeńin tolyq qadaǵalaıtyn qyzmet bólimi bolashaq analarǵa keńes beredi. Esim tańdaýǵa jáne perzenthana sómkesin durys daıyndaýǵa kómektesedi. Marketpleıs bólimi arqyly qoldanýshy ana men balaǵa qajetti zattar men gıgıenalyq taýarlardy satyp alady. Al profılde qoldanýshynyń jeke derekteri saqtalady. Jýyrda bul bólimde týý týraly káýlikti jáne bala kútimine baılanysty demalysty rásimdeý múmkindikteri paıda bolady dep josparlanýda.

«Ma!Ma!» qalaı quryldy? Bul týraly Bugin Holding dırektory Aıbek Qýatbaı: «Ótken jyldyń sońynda komandamen birge holdıńtiń ósý strategıasy talqylaý kezinde bir ıdeıa keldi. Holdıńte mektepke deıingi balaǵa, oqýshyǵa, talapkerge jáne muǵalim men ınfokásipkerlerge arnalǵan arnaıy platformalar naryqqa sátti shyǵaryldy. Osy tusta sol balany dúnıege ákelgen analardy nazardan tys qaldyryppyz. Birden mısıamyzdy eske túsirdik. Adamdardy baqytty ári tabysty etý úshin aldymen qyz-kelinshekterdiń damýy men ósýine arnalǵan ónim ázirleý arqyly mısıamyzdy tolyq oryndaıtynymyzdy túsindik. Qazir bul oıdy dosymyz Eren Qanattyń júkti áıelderge arnalǵan «Ma!Ma!» jobasyna seriktes bolyp, birge júzege asyryp jatyrmyz», - dep túsindirdi.

Qazirgi tańda joba óz nátıjesin kórsetip bastady. 61 000 paıdalanýshy qosymshany turaqty túrde qoldanady. Osy ýaqytqa deıin lentada 213 000 post, 137 000 pikir jazylǵan. 3-4 aıdaǵy qarqyndy jumys nátıjesinde MVP qoldanbasynyń synaǵynan da sátti ótti.

Tower Sensor platformasynyń júrgizgen analıziniń qorytyndysy boıynsha «Ma!Ma!» qosymshasy Qazaqstan, Ózbekstan, Qyrǵyzstan elderinde «medısına» kategorıasy boıynsha eń kóp júktelgen qosymsha boldy. Play Market qosymshasynda «medısına», «áıel densaýlyǵy» kategorıasynda TOP-10 qataryna endi.

Jobanyń basty ereksheligi – ár qoldanýshyǵa ózine unaıtyn aqparattardy ǵana usyný. Bul aqparattar qosymshadaǵy jıi kiretin bólimder men qyzyǵýshylyqqa qaraı toptastyrylady. Odan bólek jobanyń damýyna óz úlesin qosqan árbir qoldanýshyǵa 500 bonýs syıǵa beriledi. Bonýs arqyly dárigerge suraq qoıýǵa, marketpleısten taýardy jeńildikpen satyp alýǵa bolady. Dárigerge qoıylǵan suraqtyń jaýabyn da osy bonýs arqyly aýdıo nusqada tyńdaı alady. 
Qosymshada ana densaýlyǵy, júktilik kezeńi, bala týylǵannan keıingi damýy men kútimine qajetti eń tańdaýly keńester beriledi. Jobanyń taǵy bir ereksheligi – erkin túrde pikir almasý múmkindigi. Iaǵnı qoldanýshy jazba jáne pikir qaldyrǵanda eshqandaı shekteý bolmaıdy. Elimizdiń ár óńirinde turatyn analar áıel densaýlyǵy men balaǵa qatysty taqyryptardy erkin talqylaı alatyn orta qurady.

Qosymsha aýdıtorıasynyń basty qyzyǵýshylyǵy - júktilik kúntizbesi. Munda júktiliktiń ár kezeńine arnalǵan tamaqtaný, salmaqty qalypta ustaý jáne fızıkalyq qozǵalysqa qatysty keńester bar. Júktilik kezeńin jeńil ári sátti ótkizýdi qalaıtyn árbir bolashaq anaǵa «Ma!Ma!» qosymshasy usynylady.

Bilim berý salasyndaǵy zamanaýı tehnologıalardy biriktiretin Bugin Holding kompanıasy óskeleń urpaqtyń tárbıesi men bilimine ǵana emes, sol ultty tárbıeleıtin analardyń damýy úshin paıdaly ónim ázirleý arqyly qoǵamǵa paıdaly bolýdy kózdeıdi. «Ma!Ma!» mobıldi qosymshasynyń jańa damý strategıasy men jospary jasaldy. Ol – osy jyldyń maýsym aıyna deıin aýdıtorıanyń suranysyna ıe tanymdyq kýrstar daıyndaý. Kýrsta dekrettik járdemaqyny rásimdeý, tegin EKO jasatý úshin kvotaǵa qajetti qujattardy daıyndaý, bosanǵannan keıingi ananyń fızıologıalyq jáne psıhologıalyq densaýlyǵyn qalypqa keltirý taqyryptary qamtylady. Júkti áıelderge arnalǵan zertteý ortalyqtary, stomatologıa jáne klınıka jelileri tirkeledi.

Atalǵan mısıa aıasynda «Ma!Ma!» qosymshasynda analardyń úzdiksiz damýy men ósýi úshin Eýropalyq Qaıta qurý jáne Damý Banki «Mentor Spark» tálimgerlik baǵdarlamasy boıynsha analardyń qashyqtan jumys isteý úshin sıfrly mamandyqtardy oqytý josparlanýda. Odan bólek marketpleıs bólimi arqyly analardyń óz taýarlaryn satý múmkindikterin qarastyryp jatyr.

«Deni saý ana – deni saý ult». Bizdiń qoǵamda áıelder úshin áleýmettik-ekonomıkalyq jáne turmystyq jaǵdaıdyń mańyzdylyǵy birinshi orynǵa shyǵyp ketken. Osy tusta «Ma!Ma!» mobıldi qosymshasy qalyptasqan júıeni ózgerte otyryp, áıel úshin densaýlyq pen jeke damýdy eń basty qundylyqtar qataryna engizýdi maqsat etip otyr. Myqty urpaqty densaýlyǵy jáne ishki kúıi saý ana ǵana tárbıeleı alady.

Ult bolashaǵyna degen alańdaýshylyqty kúsheıtken taǵy bir jaǵdaı ol – qoǵamdaǵy áıelderge jasalatyn zorlyq-zombylyqtyń kóbeıýi. Jalpy áıel zatyna ortaq bul qatygezdikti túp-tamyrymen joıyp, sapaly ómir súrýge jáne baqytty memleket qurýǵa analar osy joba arqyly óz úlesin qosa alady.