Áleýmettik jelide qazaq tilinde án aıtýǵa tyıym salynǵan "Pınta" bar meıramhanalar jelisine qarsy narazylyq artty. “Tabys taýyp otyrǵan memlekettiń tili nege kóńilderińnen shyqpaı qaldy” dep jazǵan jeli qoldanýshylary. 

Budan bólek, áleýmettik jelide "Pınta mýzykanttary" degen chattyń habarlamalary jóninde foto tarady. 

"Qazaqsha ánderdi burynǵydaı oryndamaımyz. Eger tutynýshylar qazaqsha án aıtýdy ótinip nemese talap etip jatsa pleı-lıstte qazaq tilinde ánder joq ekenin aıtyńyzdar. Birden restoran dırektoryn shaqyryńyzdar. Qazaqsha án aıtýǵa tyıym salynǵanyn aıtpańyzdar", delingen chattaǵy habarlamada.

Alaıda habarlamanyń "Pınta" meıramhanasynyń qyzmetkerlerine arnalǵan chat ekenine naqty dálel joq.