Ýkraına Reseıdiń basqynshylyǵyn "aýmaqtyq daý" dep ataǵan Florıda shtatynyń gýbernatory Ron De Santısti elge kelýge shaqyrdy, dep jazady BBC. Ol – 2024 jyly prezıdenttik saılaýǵa túsetin kandıdattardyń biri. 

Eks-kongressmen AQSH-tyń Ýkraınaǵa kórsetip jatqan kómegi "AQSH úshin mańyzy bar ulttyq múddelerdiń" qataryna jatpaıtynyn aıtty. Ron De Santıstiń bul málimdemesi prezıdent bolyp saılanatyn bolsa AQSH soǵystan zardap shekken Ýkraınaǵa kómek kórsetýden bas tartýy múmkin ekenin bildiredi. 

Ýkraına Syrtqy ister mınıstrliginiń resmı ókili Oleg Nıkolenko tvıtterdegi paraqshasynda Ron De Santıstke jaýap berdi:

"Gýbernator Ron De Santıs burynǵy áskerı ofıser retinde "aımaqtyq daý" men soǵystyń aıyrmashylyǵyn biletinine senimdimiz. Reseıdiń áreketin tereńirek túsinýi úshin biz ony Ýkraınaǵa shaqyramyz".