Qazaqtyń lıro-epostyq jyry «Qyz Jibek» japon tilinde jaryq kórdi. Eposty Japonıanyń Fólklortanýshylar asosıasıasynyń múshesi Sharafat Jylqybaeva aýdaryp, Hokkaıdo ýnıversıtetiniń Qurmetti profesory Takeda Masanao pikir jazdy. 

Eńbektiń kirispesinde qazaq fólklory men jyrshy-jyraýlar týraly málimet berilip, «Qyz Jibek» eposynyń jınalyp-zerttelý tarıhy baıandalǵan. Sondaı-aq, bul kitaptan japon oqyrmandar qazaqtyń jyraýlyq dástúriniń erekshelikteri, epostardyń qazaq mádenıetindegi orny týraly bile alady.

Eposta kezdesetin etnografıalyq termınderdiń túsiniktemesi kitaptyń sońynda berilgen. Kitapqa dańqty sýretshi, Qazaqstannyń eńbek sińirgen óner qaıratkeri, Memlekettik syılyqtyń laýreaty Aǵymsaly Dúzelhanovtyń qylqalamynan týǵan sýretter engizildi.