Keshe elimizde Májilis jáne máslıhat depýtattarynyń saılaýy ótti. Exit poll nátıjesi boıynsha eń kóp daýys Amanatta - 53,46%, eń az daýys Baıtaq partıasynda - 3,22%.

Táýelsiz baqylaýshylar saılaýdyń ádiletsiz ótkenin, zań buzýshylyqtardyń kóp bolǵanyn aıtyp narazylyq bildirýde. Keshe túnde saıasattanýshy, kandıdat Sanjar Boqaev saılaýdyń zańsyz ótkenin habarlap, Ortalyq saılaý kommıtetinen jáne prezıdent Qasym-Jomart Toqaevtan saılaý nátıjelerin joıýdy talap etti.

Al Bas prokýratýra daýys berý kezinde úsh óńirde saılaý týraly zańnamany buzýdyń 9 faktisi tirkelgenin málimdedi.

Resmı derekke sáıkes Almaty oblysynda Eńbekshi qazaq, Jambyl, Raıymbek jáne Uıǵyr aýdandaryndaǵy saılaý ýchaskelerinde; Jetisý oblysynda Qaratal jáne Kerbulaq aýdandaryndaǵy ýchaskelerde; Soltústik Qazaqstan oblysynyń Aıyrtaý jáne Jambyl aýdandaryndaǵy ýchaskelerde zańsyzdyqtar bolǵan. Atalǵan saılaý ýchaskelerinde komısıa músheleri daýys berýshilerdiń ótinishi boıynsha týystary úshin daýys berýge búletender berilip, daýys berýdiń teń quqyqtylyq talaby buzylǵan.

Bıylǵy saılaý ádil ótti me? Siz qalaı oılaısyz?