"Shymbulaq" – álemde birinshi bolyp "Álemdegi eń bıik túngi shańǵy trassasy" nomınasıasy boıynsha Gınnestiń rekordtar kitabyna kirdi. 

Guinness World Records ofısiniń sýdıasy Sheıd Sýbashı-Gemıdjı taý shańǵy kýrortynyń bas dırektory Rınat Abdrahmanovqa álemdik rekordty rastaıtyn sertıfıkatty tabys etti. Saltanatty rásim jáne rekord nátıjesin resmı tirkeý – teńiz deńgeıinen 3200 metr bıiktikte "Talǵar asýy" stansıasynda ótti.

Shara sońynda qyzyl lenta saltanatty túrde kesilip, eń bıik túngi taý shańǵysy trassasymen tómen qaraı jappaı syrǵanaý ótti.

Aıta keteıik, teńiz deńgeıinen 3200 metr bıiktikte túngi shańǵymen syrǵanaý 2021 jyldyń qarashasynda bastalǵan edi. Osy ýaqyt ishinde júzdegen myń adam túngi ýaqytta eń joǵary núkteden túsip úlgerdi.

Taý shańǵy kýrortynyń baspasóz qyzmetiniń habarlaýynsha, 2021-2022 jylǵy maýsymda túngi shańǵymen syrǵanaýǵa 50 346 týrıs kelgen, bıylǵy maýsymda 10% ese kóp keldi, ıaǵnı, 55 486 kelýshiler boldy.

Sonymen qatar, 2021-2022 jylǵy maýsymda kúnine 12 520 adam kelse, bıylǵy maýsymda kýrortqa 1 mıllıonnan astam adam kelip úlgergen.