NATO Pýtınniń Belarýs elinde taktıkalyq ıadrolyq qarýdy ornalastyrý týraly qabyldaǵan sheshimin aıyptady, dep jazady BBC. Al AQSH Reseıdiń ıadrolyq qarý qoldanýǵa daıyndyq jasap jatyrǵanyna senbeıtinin  málimdedi. 

Pýtın málimdemesinen keıin Ýkraına BUU Qaýipsizdik keńesin shuǵyl jıyn ótkizýge shaqyrǵan bolatyn. Ýkraına bıligi "bul qadam ıadrolyq qarýdy taratpaý týraly kelisimderge qaıshy keledi", deıdi. Alaıda Pýtın bolsa ózine taǵylǵan aıypty joqqa shyǵardy. 

Budan bólek, Eýroodaqtyń syrtqy saıasat jónindegi joǵarǵy ókili Jozep Borrell Belarýs Pýtınmen kelisimnen bas tartpasa, sanksıa salynýy múmkin ekenin eskertti.

Ýkraına ulttyq qaýipsizdik jáne qorǵanys keńesiniń hatshysy Alekseı Danılov Pýtınniń  málimdemesin Belarýstegi jaǵdaıdy turaqsyzdandyrý úshin jasalǵan áreket dep baǵalady.