«Damu business group» ujymy aıyryqsha aýyzashar berdi. Qoǵam qaıratkerleri, jýrnalıser, mádenıet qyzmetkerleri, kásipkerler, stýdentter, medrese tyńdaýshylary... t.b. ár sala ókilderi qatysqan aýyzashar tek dinı joralǵy ǵana emes naǵyz ulttyq rýhanı keshke aınaldy.

Osyǵan deıin san túrli qaıyrymdylyq sharalardy, rýhanı, mádenı jobalardy abyroımen atqaryp júrgen kásipkerler toby sońǵy kezderi saıası belsendilikterimen de kózge túsip júr. Aıtalyq bıznes ujym ókili Jalyn Jaınarbaı «Respýblıka» partıasynyń atynan Almaty qalasy máslıhatynyń depýtaty bolyp saılandy. Partıa teń tóraǵalarynyń biri Syrymbek Taý Parlament saılaýynda qoldaý kórsetken kópshilikke rahmetin jetkizdi.

Kesh tizginin Qazaqstan Respýblıkasynyń mádenıet qaıratkeri, aqyn, qalamger Qaırat Qul-Muhammet ustady. Jýrnalıs, ustaz Jarqyn Sálen bastap kelgen Abaı atyndaǵy daryndy balalar mektebiniń túlekteri dombyramen óleń shýmaqtaryn tógip, jalyndy jyrlaryn oqydy. Ánshi, akter Áset Esjan «Dúr qamshyny» asqaqtatsa, «Alataý serileri» bıznes ókilderine arnaǵan «Damý» ánin shyrqady.

«Damu business group» basshysy Qumar Jumaqan ujymnyń qurylǵanyna 7 jyl tolǵanyn, ártúrli salada bıznes jasap otyrǵan azamattardyń jyldyq tabys kólemi 60 mıllıardqa jýyqtaıtynyn habarlady. Keshte din qyzmetkerleri salıqaly ýaǵyz aıtyp, aqyn-jazýshylar rýhty jyrlaryn oqyp, ár sala mamandary utymdy usynystaryn jetkizdi.

Aıta keterligi ár jyldary «Qamshy» portaly ótkizgen eldik, ulttyq, memlekettik sharalarǵa da «Damu business group» ujymy aıryqsha qoldaý kórsetip keledi.