Etnograf Bolat Bopaıuly sáýir aıynyń baıyrǵy ataýyna qatysty pikir bildirdi. Onyń aıtýynsha qazaq halqy sáýir aıyn kókek dep ataǵan. 

"Qazir sáýir aıy qoldanylyp júr. Alaıda baǵy zamannan qoldanylyp kele jatqan aıdyń aty – kókek. Sáýir bolsa amaldyń ataýy. Negizinen sáýir sózi arab tilinen engen aspandaǵy juldyzdyń aty, deıdi etnograf.

Etnograf kókek aıynyń ataýy kókek atty jyl qusymen baılanysty ekenin aıtty. 

"Osy aıda jyl qusy kókek kelip, "kókek, kókek" dep óz atyn aıtyp shaqyrady. Sondaı-aq kún jylynyp, jerde kók kókteıdi. Naýryzdan keıin "adamnyń aýzy aqqa, maldyń aýzy kókke tıdi", deıdi ǵoı. Kókek kelgennen bastap  qustardyń jumyrtqalaýy bastalyp, "at kózinen kók keldi, arqan boıy kók shyqty, kún jylyndy" dep aıdyń atyn kókek dep ataǵan. Toǵysqa qarap otyryp ta baıyrǵy qazaq kókek aıy degen sózdi tastamaǵan. Sol sebepti kókek aıy babalarymyz qoldanyp kelgen aı aty – kókek", dep sózin aıaqtady Bolat Bopaıuly.